Ողջույն սիրելի բարեկամ, ես Գայանեն եմ, ծնվել և մեծացել եմ Գյումրի քաղաքում: (Գյումրեցու ասածի պես ի ծնե, ի բնե Գյումրեցի): Մասնագիտությամբ արվեստաբան եմ, հնագետ, ժամանակակից արվեստի մասնագետ: Ավարտելով Հայաստանի գեղարվեստի պետական ակադեմիան՝ դասավանդում եմ ակադեմիայի Գյումրու մասնաճյուղում: Իհարկե, մասնագիտությունը մասնագիտությամբ, սակայն գիտակցական տարիքից հետաքրքրվել եմ սեփական քաղաքիս պատմությամբ, կոլորիտով, հոյակերտ շինությունների ոճային առանձնահատկություններով, կառույցներով, և դրանց հետ կապված հետաքրքիր պատմություններով: Սակայն՝ այդ ամենով չբավարարվելով, արդեն 3 տարի է, ինչ զբաղվում եմ զբոսաշրջությամբ: Գյումրին՝ լինելով արհեստների և արվեստների քաղաք, քանի որ ինքս էլ արվեստի ոլորտից եմ, տուրերս հիմնականում ունեն մշակութային ուղղվածություն: Ձգտում եմ ներկայացնել քաղաքս ամենայն մանրամասնությամբ, ներսի հայածքով՝ (բոլոր ծակ ու ճյուղերով):