Զարնի Պարնի քարայր-ամրոցային համալիր

ԱՄՐԱԳՐԵՔ ԱՅՍ ԾԱՌԱՅՈՒԹՅՈՒՆՆ ԱՌՑԱՆՑ ԿԱՄ ԶԱՆԳԱՀԱՐԵՔ +374 96 16-60-60 ՀԵՌԱԽՈՍԱՀԱՄԱՐՈՎ

«Զարնի-Պարնի» քարայրա-ամրոցային համալիրը գտնվում է իր յուրահատուկ վանական համալիրով հայտնի Լոռու մարզի Հաղպատ գյուղից ոչ հեռու, գեղատեսիլ անտառապատ մի կիրճում, որտեղից բացվում է շրջակա լեռների և «Կայան» բերդի սքանչելի համայնապատկերը:

Համալիրի տարածքում են գտնվում ազատագրական պայքարի մասնակիցների անսասան կամքի ու համառության մարմնացում հանդիսացող երկու ամրոցներ՝ «Զարնի էրը» և «Պարնի էրը», ինչպես նաև «Ծակ էր» կոչվող քարանձավը, որտեղ ըստ պատմական աղբյուրների՝ ապրել և ստեղծագործել է XI-XII դարերի մտածող և փիլիսոփա Հովհաննես Իմաստասերը:

Այս պատմական հուշարձանները երկար ժամանակ թաղված էին հողի բազմամյա շերտի և խիտ անտառային բուսականության տակ:

2016-2019 թվականներին Երևան քաղաքի բնակիչ Ռուբեն Մեսրոպյանի անձնական ջանքերի շնորհիվ այս միջնադարյան քարայրա-ամրոցային համալիրը վերականգնվել է և նոր շունչ ստացել: Դեպի պատմական հուշարձաններ տանող ճանապարհը վերանորոգելուց հետո սկսվեցին աշխատանքներ տարածքը մաքրելու ուղղությամբ, իսկ թեք ժայռերի լանջերին փորվեցին աստիճաններ, որոնք բոլոր ցանկացողներին հնարավորություն են տալիս բարձրանալ մինչև անառիկ «Պարնի էր» և հաղորդակցվել բնության ներդաշնակությանը:

Թանգարան՝ երկնքի տակ

Ամբողջությամբ մաքրված և վերականգնված ամրոցներում ստեղծվել է պատմական թանգարան, որտեղ ցուցադրված են տեղական բնակչության կենցաղն ու մշակույթը ներկայացնող հազվագյուտ նմուշներ, մասնավորապես՝ արոր, լուծ, կամ, կավե կժեր և տնային տնտեսության մեջ օգտագործված այլ իրեր:

«Զարնի էր» քարանձավում կա կաթկթան աղբյուր, որի ջուրը ենթարկվել է լաբորատոր փորձաքննության, և պարզվել է, որ մաքրամաքուր խմելու ջուր է։ Տեղաբնակները (Հաղպատի բնակիչները) պատմում են, որ այն որպես բուժիչ ջուր է հայտնի։ Ջուրը հավաքվում է քարե կաթսաների մեջ, որպեսզի ցանկացողները կարողանան խմել:

Քարանձավի մաքրման աշխատանքների ժամանակ, մուտքից աջ, պարսպի պատին կից, բացվել է խաղողի վերամշակման արտադրական կառույց` հնձան, որը վերաբերում է XIV-XV դարերին։ Հնձանի առկայությունը վկայում է, որ այստեղ մարդիկ ապրել ու գինեգործությամբ են զբաղվել։ Հնագույն այս զբաղմունքը վերաիմաստավորելու նպատակով է Ռուբեն Մեսրոբյանը տարածքում խաղողի այգիներ է հիմնել։ Լանջերից գտնված քարերով, որոնք ենթադրվում է, որ մատուռի մնացորդներ են եղել, կառուցվել է նաև փոքրիկ աղոթատեղի։

«Զարնի-Պարնի»-ի այցելուները այստեղից ոչ միայն վառ տպավորություններ կտանեն, այլ նաեւ կարող են ձեռք բերել թեմատիկ հուշանվերներ։ Մարդիկ, տեսնելով այս հրաշքը, տեսնելով նվիրման արդյունքը, նորովի են գնահատելու մեր ազգային արժեքները, հարգելու են մարդուն և մարդու աշխատանքը, սովորելու են սիրել ու պահպանել մեր նախնիների նյութական ու հոգևոր ժառանգությունը:

Թանգարանում կարող եք ձեռք բերել նաև հետաքրքիր հուշանվերներ՝ սկսած ընդամենը 1000 դրամից:

     Ծանոթացե՛ք մեր ծառայություններին նաև սոցիալական ցանցերում:

ԱՆՎՃԱՐ ՉԵՂԱՐԿՈՒՄ

ԱԿՆԹԱՐԹԱՅԻՆ ԱՄՐԱԳՐՈՒՄ

ԷԼԵԿՏՐՈՆԱՅԻՆ ՏՈՄՍ

ԳԻԴԻ ԾԱՌԱՅՈՒԹՅՈՒՆ

ԵՐՔ-ԿԻՐ 10:00-19:00

ՀԱՅԵՐԵՆ, ՌՈՒՍԵՐԵՆ

ԿԱՐԵՎՈՐ Է ԻՄԱՆԱԼ

Տվյալ ծառայության գնումը/ամրագրումը ԱԿՆԹԱՐԹԱՅԻՆ է։ Ձեր կողմից կատարված գնումից/ամրագրումից անմիջապես հետո Դուք կստանաք այն հաստատող նամակ։

• Ամբողջական գնման դեպքում գնումը ձևակերպելուց մի քանի րոպե հետո Ձեր բանկային քարտից/դրամապանակից կգանձվեն ծառայության ամբողջական արժեքի չափով ֆինանսական միջոցներ։
• Ամրագրման վաուչերի գնման պարագայում գնումը ձևակերպելուց մի քանի րոպե հետո Ձեր բանկային քարտից/դրամապանակից կգանձվեն վաուչերի արժեքի չափով ֆինանսական միջոցներ։

Ուշադրություն։ Ամրագրման վաուչերի գնման ժամանակ Ձեր կողմից մուտքագրված բանկային քարտը/դրամապանակը կցվում է բանկին և պահվում է գաղտնի։ Ծառայությունը չեղարկելիս անվճար չեղարկման ժամկետների խախտման կամ առանց ծառայությունը մատուցողի համաձայնության չներկայանալու դեպքում Կոորդինատորն (հարթակը) իրավունք ունի կցված քարտից/դրամապանակից գանձել համապատասխան տույժի չափով ֆինանսական միջոցներ: